Şimali Kaliforniya Azərbaycan Mədəniyyət Cəmiyyəti (ACSNC) San-Fransiskonun “Embarcadero Plaza” meydanında keçirilən 3-cü San-Fransisko Türk Festivalında ölkəmizi təmsil edib.

Festivalda müxtəlif türk xalqlarının nümayəndələri milli mədəniyyətlərini tanıdıblar. Soydaşlarımız Azərbaycan musiqiləri səsləndirib, milli rəqslərimizi nümayiş etdiriblər. Azərbaycan guşəsində ölkəmizin tarixi, adət-ənənələri və zəngin mədəni irsi haqqında məlumatlar təqdim olunub. Buraya üz tutan ziyarətçilər Azərbaycanın turizm imkanları, səyahət marşrutları və görməli yerləri ilə maraqlanıblar.

San-Fransisko Türk Festivalı Azərbaycan icmasının milli dəyərlərimizi daha geniş auditoriyaya çatdırması, müxtəlif icmalarla qarşılıqlı əlaqələri inkişaf etdirməsi və ölkəmiz barədə məlumatlılığın genişləndirilməsi üçün əlverişli imkan yaradıb.