Polşanın Varşava şəhərində fəaliyyət göstərən Azərbaycan Evində Polşa Azərbaycanlıları Şurasının təşkilatçılığı ilə “Təsirli nitq bacarıqları” adlı seminar keçirilib.

Seminar müddətində klinik psixoloq Fuad Əsədov təsirli nitqin sirləri, emosiyaların nitqə təsiri və dinləyicilərin diqqətinin cəlb olunması yolları haqqında geniş məlumat verib. İnandırıcı, təsirli və məqsədyönlü ünsiyyət bacarıqlarından danışıb. İştirakçılar təlimi yüksək qiymətləndirib.

Qeyd edək ki, Azərbaycan Respublikasının Diasporla İş üzrə Dövlət Komitəsinin dəstəyi ilə Varşava Azərbaycan Evində Polşada yaşayan soydaşlarımız üçün karyera, mühasibatlıq, maliyyə və digər sahələr üzrə təlimlər təşkil olunur. Təlimlər öz müsbət nəticəsini verir və tələbələr Polşada müxtəlif beynəlxalq şirkətlərdə iş tapır.