Ukraynanın Odessa və Krivoy Roq şəhərlərində 20 Yanvar faciəsinin qurbanlarının əziz xatirəsi anılıb.

"Birlik" Odessa azərbaycanlıları diaspor təşkilatının "Azərbaycan Evi"ndə 20 Yanvar faciəsinin 35-ci ildömümü ilə əlaqədar təşkil etdiyi tədbirdə Azərbaycanın Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib. Tədbir iştirakçıları çıxışlarında 20 Yanvar faciəsi ilə bağlı fikirlərini bölüşüb, bu qırğının Azərbaycan xalqının iradəsini sarsıtmadığını bildiriblər.

Dnepropetrovsk vilayətinin Krivoy Roq şəhərində keçirilən anım tədbirində əvvəlcə Azərbaycan diasporunun fəallarının hazırladığı “20 Yanvar” filmi nümayiş olunub. 20 Yanvar hadisələrinin baş vermə səbəbi və nəticələri haqqında tədbir iştirakçılarına geniş məlumat verilib, faciənin qan yaddışımızla bərabər, həm də xalqımızın qəhrəmanlıq tarixi olduğu diqqətə çatdırılıb.