"Azərbaycan" Etnomədəni Birliyi Qazaxıstanın Cambul vilayətinin Şu rayonunun mədəniyyət günlərində ölkəmizi təmsil edib.

Tədbirə Mədəniyyət Nazirliyinin, Vilayət akimliyinin, yerli icra orqanlarının nümayəndələri, həmçinin bölgədə yaşayan müxtəlif xalqların diaspor təşkilatları qatılıblar.

Azərbaycan guşəsində Azərbaycan mədəniyyətini və mətbəxini təbliğ edən nümunələr sərgilənib.

Birliyin sədri Tacir Abdullayev Azərbaycan mədəniyyətindən məlumat verib, Qazaxıstanda fəaliyyət göstərən Azərbaycan diaspor nümayəndələrinin ötən günlərdə Azərbaycana səfərindən danışıb.