ABŞ-nin Dallas və Hyuston şəhərlərində Yuta universitetinin professoru, musiqiçi, fleyta ifaçısı Azərbaycan əsilli amerikalı musiqiçi Dr. Ceyran Həsənin  “Fleyta ilə səyahət” (Travelling with Flute) adlı konsert proqramı keçirilib.

İlk olaraq Azərbaycan-Amerika Musiqi Fondunun təsisçisi və icraçı direktoru Dr. Cəmilə Cavadova-Spitzberq təşkilatın həyata keçirdiyi tədbirlər və gələcək layihələr haqqında fikirlərini bölüşüb. O, konsertin təşkilinə və  davamlı dəstəyə görə  Azərbaycan Respublikasının Diasporla İş üzrə Dövlət Komitəsinə təşəkkürünü bildirib.  

Sonra Dr. Ceyran Həsən həm Azərbaycan, həm də Amerikanın qadın bəstəkarlarının əsərlərini səsləndirib. Pianoçular Dr. Gia Jiha Choi və Dr. Nataliya Suxinanın müşayiəti ilə keçən konsert proqramı tamaşaçıların alqışları ilə qarşılanıb.

Qeyd  edək ki, konsert Amerika Azərbaycan Musiqi Fondunun həyata keçirdiyi “Musiqi körpüsü” adlı layihəsi çərçivəsində həyata keçirilib.