Praqada Azərbaycan icmasının piketi keçirilib

19 sentyabr, 2022

Praqada Azərbaycan icmasının piketi keçirilib

Çex Respublikasında yaşayan Azərbaycan icması Praqa şəhərində icazəli aksiya keçirib.

Krizovnicke namesti meydanında baş tutan aksiyada soydaşlarımız ölkəmizin dövlət sərhədində Ermənistan silahlı qüvvələrinin törətdiyi genişmiqyaslı təxribata etiraz edib, mədəni irsimizin dağıdılmasına, beynəlxalq təşkilatların ermənilərin Azərbaycan torpaqlarındakı vandalizm aktlarına səssiz qalmasına, yerli ictimaiyyətin diqqətini bölgədə sülhə mane olan amillərə cəlb ediblər.

Aksiya zamanı Ermənistanın son təxribatı nəticəsində həlak olan hərbçilərimizin siyahısı, “Ermənistanın təcavüzünü dayandırın!”, “Ermənistanın terroruna son qoyulsun!”, “UNESCO, İrəvandakı Azərbaycan irsini qoru!”, “Erməni vandalizmini dayandırın!” kimi şüarlar nümayiş etdirilib.

Aksiya diaspor fəalı Fərid Əmirəliyevin təşkilatçılığı ilə keçirilib.

dostların arasında bunu ilk tövsiyyə edən sən ol

Digər xəbərlər