ABŞ-ın Florida ştatının Mayami şəhərində Azərbaycanın Zəfər və Bayraq Günlərinə həsr olunmuş avtomobil yürüşü keçirilib.

Azərbaycan-Amerika Gənclər Təşkilatından bildirilib ki, vətənimizin tarixi bayramları münasibətilə bir araya gələn azərbaycanlı gənclər xalqımızı Azərbaycan Prezidenti, Müzəffər Ali Baş Komandan İlham Əliyevin qətiyyətli rəhbərliyi ilə rəşadətli Azərbaycan Ordusunun qazandığı parlaq qələbə və Azərbaycanın Dövlət Bayrağının Qarabağın bütün şəhər və kəndlərində ucalması münasibətilə təbrik ediblər.

Sonra üzərində Azərbaycan bayrağını daşıyan avtomobil karvanı Mayaminin mərkəzi küçələrində hərəkət edib. Üçrəngli bayraqlarımıza bürünmüş gənclərimiz şəhərin müxtəlif yerlərində dayanaraq “Yaşasın, Azərbaycan!”, “Qarabağ Azərbaycandır!” şüarlarını səsləndiriblər, öz sevinclərini milli rəqslərimizi ifa etməklə sərgiləyiblər.