Çinin Hubei əyalətinin Vuhan şəhərində yerləşən Huaconq (Mərkəzi Çin) Kənd Təsərrüfatı Universitetinin (Huazhong Agricultural University) təşkilatçılığı ilə Beynəlxalq Mədəniyyət Festivalı keçirilib.

Festivalda 20-dən çox ölkənin mədəniyyəti, adət-ənənələri və milli təamları qonaqlara təqdim olunub.

Həmin şəhərdə yaşayan azərbaycanlı tələbələr Şəhrəbanu Zərbəliyeva, Seyidrəsul Heydərov, Kənan Mahmudlu, Maral Məmmədova, Fəqan Müzəffərli, Muhəmməd-Fatih Can tədbirdə Azərbaycan stendi quraraq ölkəmizi təmsil edib. Onlar yerli və digər xalqların nümayəndələrinə ölkəmiz haqqında məlumat verib.

Tədbirin açılış hissəsində Şəhrəbanu Zərbəliyeva və Fəqan Müzəffərlinin ifasında təqdim olunan "Naz eləmə" rəqsini qonaqlar böyük rəğbətlə qarşılayıb.