ABŞ-ın https://www.musicalamerica.com saytında “Heydər Əliyevin 100 illik yubileyinə musiqili ithaf” sərlövhəli məlumat yayımlanıb.

Məlumatda bildirilib ki, Nyu-Yorkun məşhur “Carnegi Hall” mədəniyyət mərkəzində “Florida Keys” Beynəlxalq Musiqi Müsabiqəsinin qaliblərinin qala-konserti keçirilib. Konsertin Azərbaycanın ümummilli lideri Heydər Əliyevin 100 illik yubileyinə həsr olunduğu nəzərə çatdırılıb. “Qaliblər cuşa gətirən ifalar təqdim etdilər: klassik musiqidən tutmuş müasir musiqiyə, o cümlədən Azərbaycan bəstəkarlarının əsərlərinə qədər”, - deyə sayt vurğulayıb.

8 dəfə ardıcıl təşkil edilən “Florida Keys” müsabiqəsinin saytında bu maraqlı beynəlxalq müsabiqə haqqında geniş məlumat almaq imkanı yaradılıb. Sayt gənc musiqiçiləri bu müsabiqənin gələcək ulduzlarına çevrilməyə dəvət edib.