Kanadanın Toronto şəhərində 31 Dekabr – Dünya Azərbaycanlılarının Həmrəylik Günü və Yeni il bayramı münasibətilə tədbir keçirilib. Toronto Azərbaycan Evinin təşkilatçılığı ilə baş tutan tədbirə diaspor fəalları, “Mənim Azərbaycanım” həftəsonu məktəbinin müəllim heyəti və valideynlər, orada yaşayan və təhsil alan azərbaycanlı gənclər qatılıb.

“Vətən” Azərbaycan İncəsənət və Mədəniyyət Mərkəzinin rəhbəri və Azərbaycan Evinin icraçı direktoru Lalin Həsənova açılış nitqində bu əlamətdar gün və Yeni il münasibətilə iştirakçıları təbrik edib, ən xoş arzularını çatdırıb.

Bayram tədbirində gənclər arasında maraqlı və öyrədici oyunlar keçirilib, iştirakçılar milli musiqilərimizin sədaları altında rəqs edib.