Kanada Azərbaycan Evində 18 sentyabr – Milli Musiqi Günü münasibətilə Toronto şəhərdə yaşayan və fəaliyyət göstərən azərbaycanlı musiqiçilərin görüşü keçirilib.

“Vətən” Azərbaycan İncəsənət və Mədəniyyət Mərkəzinin təşəbbüsü ilə keçirilən və ELTV Media qrupu tərəfindən işıqlandırılan görüşdə Azərbaycan milli musiqisinin Kanadada təbliği istiqamətində müzakirələr aparılıb, gələcəkdə həmin ölkədə Azərbaycan Simfonik Orkestrinin yaradılması təklif edilib və bu istiqamətdə addımlar atılmasının vacibliyi vurğulanıb. 

Dahi Azərbaycan bəstəkarı, müasir Azərbaycan musiqi sənətinin banisi Üzeyir Hacıbəylinin musiqi sahəsinə verdiyi töhfələrdən danışan Kanada Azərbaycan Evinin icraçı direktoru Lalin Həsənova musiqiçilərə təşəkkürünü bildirib və layihə təkliflərini göndərmələrini xahiş edib.