ABŞ-nin paytaxtı Vaşinqtonda yaşayan soydaşımız Eldar Xudiyevin “Sirk” adlı bəstəsi Atlantada keçirilən Beynəlxalq Musiqi Müsabiqəsində Böyük və Qlobal Musiqi mükafatlarında gümüş medala layiq görülüb.

Əsərin dirijorluğu müəllifin qardaşı, ABŞ-də fəaliyyət göstərən tanınmış musiqiçi Fərhad Xudiyevə məxsusdur.

Cari ilin dekabr ayında “Sirk”i Vankuver Simfonik Orkestri ilə yanaşı, məhşur klarnet ifaçısı və Yale Universitetinin professoru Devid Şifrin də ifa etməsi planlaşdırılır. 

Bundan əlavə Eldar Xudiyev “Azərbaycan”, “Odlar yurduna səyahət”, “Arzular”, “Payız valsı”, “Asiya” və digər əsərlərin müəllifidir.

Eldar Xudiyev musiqi fəaliyyəti ilə əlaqədar 2006-ci ildə ABŞ hökuməti tərəfindən “Xüsusi istedadlı incəsənət nümayəndəsi” tituluna yiyələnib, eyni zamanda bir sıra ölkələrin mükafatlarına layiq görülüb. ABŞ-də təşkil edilən konsertlərdə, mədəni tədbirlərdə Azərbaycanın zəngin musiqi mədəniyyətini daim təqdim və təbliğ edir. Hal-hazırda Vaşinqtonda uşaq musiqi akademiyasında skripka dərsi keçir.

“Sirk”i aşağıdakı linkə keçid etməklə dinləmək mümkündür:

https://www.youtube.com/watch?v=FD1jjtONgiU