Soydaşımız Elvin Şeyriyev Gürcüstanın Vəkillər Assosiasiyasının (GVA) təşkil etdiyi 2025-ci ilin ilk imtahanında uğur qazanıb. O, 500 namizəddən 60-nın müvəffəqiyyətlə keçdiyi imtahanda 80 bal toplayıb və vəkillik statusu əldə edib.

Gürcüstan Texniki Universitetinin hüquq fakültəsini bitirən Elvin Şeyriyev bu nailiyyəti ilə təkcə ailəsini deyil, bütün Qaraçöp ictimaiyyətini sevindirib. O, sevincini bölüşərək deyib: "Bu, mənim üçün sadəcə bir mərhələ deyil – illərlə çəkilən zəhmətin bəhrəsidir. Bu uğurumda əvəzsiz rolu olan hüquq elmləri doktoru Əli Bədirova xüsusi təşəkkürümü bildirirəm. Onun dəstəyi və tövsiyələri mənim yoluma işıq tutdu”.

Elvin Şeyriyev hazırda Gürcüstanın Yor Muğanlı (Saqareco) rayonun Qaraçöp qəsəbəsində Diasporla İş üzrə Dövlət Komitəsinin layihələri çərçivəsində fəaliyyət göstərən “Parlaq Gələcək Tədris Mərkəzi”ndə hüquqşünas kimi çalışır.

Xatırladaq ki, Mərkəzdə soydaşlarımıza pulsuz hüquqi xidmət hər həftənin bazar günləri saat 14-dən 18-dək davam edir. Əlil və təqaüdçülərə xidmət səyyar halda göstərilir.

Soydaşlarımız bu xidmətdən yararlanmaq üçün aşağıda göstərilən nömrə ilə əlaqə saxlaya bilər:

+ 995 571 16 02 39