Kanada Azərbaycan Evinin nəzdindəki "Mənim Azərbaycanım" həftəsonu məktəbinin şagirdləri Torontoda Mel Lastman Meydanında baş tutan Divali Festivalında (Diwali Fest) çıxışları ilə fərqlənib.

Peşəkar rəqqas və məktəbin rəqs müəllimi Orxan İslamovun rəhbərliyi ilə səhnəyə çıxan şagirdlər alqışlarla qarşılanıb.

Toronto meri Olivia Çounun (Olivia Chou) və millət vəkillərinin də qatıldığı festivalda müxtəlif icmaların çıxışları tamaşaçıların böyük marağına səbəb olub.