Londonda fəaliyyət göstərən Azərbaycan Evində “Qarabağ” məktəbinin təşkilatçılığı ilə Novruz şənliyi keçirilib. Məktəbin müəllim, şagird və valideynlərinin iştirakı ilə keçirilən tədbirdə Novruz bayramının tarixi, mahiyyəti, rəmzləri və xalqımızın milli adət-ənənələri haqqında qonaqlara ətraflı məlumat verilib.

Tədbir zamanı məktəblilər Novruz bayramına aid şeirlər səsləndirib dahi bəstəkar Üzeyir Hacıbəyovun “Arşın mal alan” filmindən “Qızların Rəqs”ini ifa ediblər. Şənlikdə milli adət-ənənələrimizi əks etdirən oyunlar keçirilib, qaliblərə hədiyyələr verilib.

Şənlikdə xonça, səməni, şəkərbura, paxlava mərasimin yadda qalan bayram atributlarından olub.