Kanada Azərbaycan Evinin nəzdində fəaliyyət göstərən "Mənim Azərbaycanım" həftəsonu məktəbinin şagirdləri Toronto şəhər Şurasının üzvü Lili Çenqin (Lily Chenq) təşkil etdiyi Novruz şənliyində iştirak ediblər.

Səhnədə üçrəngli Azərbaycan bayrağı dalğalandırılıb. Məktəbin şagirdlərinin və rəqs qrupunun rəhbəri Orxan İslamovun təqdimatında  uşaqlar "Sarı gəlin", "Naz eləmə" və "Zəfər" rəqslərini ifa ediblər. Onların çıxışı böyük alqışlarla qarşılanıb.

Sonda tədbir iştirakçıları məktəbin şagirdləri ilə birlikdə xatirə şəkli çəkdiriblər.