Almaniyanın paytaxtı Berlində fəaliyyət göstərən Xarı-Bülbül Azərbaycan Mədəniyyət Evinin Avropada yaşayan azyaşlı qız uşaqları üçün elan etdiyi “Kəlağayı” fotomüsabiqəsi başa çatıb.

Müsabiqənin şərtlərinə əsasən kəlağayı ilə çəkilən şəkillər izləyicilər tərəfindən qiymətləndirilib və Almaniyadan qatılan Ayla adlı soydaşımız ən çox bəyənmə toplayaraq qalib gəlib. O, sertifikat və Azərbaycanın milli simvollarından biri olan kəlağayı ilə mükafatlandırılacaq.

Fotomüsabiqəyə Almaniya, Fransa, İngiltərə , İsveç, Norveç və Mərakeşdə yaşayan azərbaycanlılar böyük maraq göstərib.

Qeyd edək ki, bu müsabiqənin əsas məqsədi soydaşlarımızın mədəni irsimizi daha yaxından tanıması və milli incəsənətə olan marağın artırılması olub.