Polşanın Krakov şəhərində fəaliyyət göstərən Azərbaycan Evində keçirilən “Krakov Oyunları”nın 1-ci mərhələsi uğurla başa çatıb. Layihə çərçivəsində dünyaca məşhur "Nə? Harada? Nə zaman?" intellektual yarışı keçirilib.

Hər birində 3-4 iştirakçı olmaqla 8 komandanın çıxış etdiyi yarışda "Dünyaya səyahət", "Məşhurlar və əfsanələr", "Azərbaycandan Avropaya" mövzularında 3 dövrə təşkil olunub.

Komandalar oyunun məzmununa uyğun olaraq məhdud vaxt ərzində rəqibləri ilə müqayisədə daha çox suala düzgün cavab tapmağa çalışıb.

Qeyd edək ki, Diasporla İş üzrə Dövlət Komitəsinin dəstəyi ilə Krakov Azərbaycan Evi Polşada yaşayan azərbaycanlıların şəbəkələşməsi, eləcə də Azərbaycan həqiqətlərinin və mədəniyyətinin təbliği üçün mütəmadi olaraq müxtəlif layihələr gerçəkləşdirir.