Gürcüstanın Dmanisi bələdiyyəsində “Dmanisoba 2024” el bayramı keçirilib. Hər il keçirilən bu tədbirdə sərgi və qiraət meydançaları təşkil olunur, Dmanisi bölgəsinin sakinləri guşələr hazırlayaraq adət-ənənələrini göstərir, milli yeməklərini təqdim edir.

Açılışda Dmanisi bələdiyyəsinin meri Koba Muradaşvili çıxış edib, rayonda yaşayan bütün icmalar üçün xüsusi guşələrin ayrıldığını söyləyib. Daha sonra 2023-2024-cü tədris ilin nəticələrinə görə fərqlənən müəllimlərin və şagirdlərin mükafatlandırma mərasimi keçirilib.

Diaspola İş üzrə Dövlət Komitəsinin dəstəyi və layihələri çərçivəsində Dmanisidə fəaliyyət göstərən “Vətəndaş - Cəmiyyətin Təhsili və İnkişafı üçün Vətəndaş Birliyi” el bayramında fəal iştirak edib. Birliyin rəhbəri Kamran Xıdırovun bildirdiyinə görə soydaşlarımız Azərbaycan guşəsi quraraq burada xalqımızın qədim milli mədəniyyət nümunələrini və mətbəx örnəklərini nümayiş etdirib, gənclərimizin əl işlərini və rəsmlərini sərgiləyib.