Azərbaycanlı musiqiçi, piano müəllimi, Danimarka – Azərbaycan Gənclər Cəmiyyətinin və “Kulturviften” axşam məktəbinin musiqi koordinatoru Kəmalə Hüseynovanın tələbələrinin 2024-cü il üçün yekun konsert proqramı keçirilib. Tədbir Danimarka – Azərbaycan Gənclər Cəmiyyətinin sədri Kərim Elhanın və Kəmalə Hüseynovanın təşkilatçılığı ilə Kopenhagendə yerləşən Mədəniyyət Mərkəzinin (“Valby Kulturhus”) teatr salonunda baş tutub.

Konsertdə Kəmalə Hüseynovanın tələbələri klassik musiqilərlə yanaşı, dünya xalqlarının, o cümlədən Azərbaycan bəstəkarlarının əsərlərini ifa edib.

Azərbaycanlı musiqiçi Kəmalə Hüseynova təşkilati dəstəyə, Danimarka və Azərbaycan arasında mədəniyyətlərarası əlaqələrin möhkəmləndirilməsinə verdiyi töhfəyə görə “Kulturviften”ə və Kopenhagen Bələdiyyəsinə təşəkkürünü bildirib.