ABŞ-nin Boston şəhərində "Boston Yəhudi Cəmiyyəti"nin təşəbbüsü ilə ənənəvi Multikultural Hanuka Festivalı keçirilib. Müxtəlif icmaların mədəniyyətlərinin və adət-ənənələrin təbliğ olunduğu festivalda Meyn Azərbaycan Cəmiyyətinin nümayəndələri də iştirak edib.

Tədbirdə etnik-dini zənginliyi, tolerant və multikultural dəyərləri ilə seçilən Azərbaycanda yəhudi və müsəlman icmaları arasındakı tarixi bağlardan bəhs edilib. Meyn Azərbaycan Cəmiyyətinin üzvü Səbinə Nəcəfova “Uzundərə” və “Zemfira” rəqslərini ifa edib.