Finlandiyanın paytaxtı Helsinkidə fəaliyyət göstərən Azərbaycan Evində Azər-Türk Gənclər təşkilatının sədri Ülviyyə Cabbarovanın təşkilatçılığı ilə müqəddəs Ramazan ayı münasibətilə iftar süfrəsi açılıb.

İftar süfrəsində Ramazan ayının dəyəri, dinlərarası harmoniya və ictimai faydalılıq mövzuları müzakirə edilib, Azərbaycanın multikulturalizm və tolerantlıq prinsiplərini dünyada təbliğ edən nadir ölkələrdən biri olduğu vurğulanıb.

Qeyd edək ki, xaricdə yaşayan Azərbaycan icmasının, diaspor təşkilatlarının dəstəyi və təşkilatçılığı ilə müxtəlif  ölkələrdə Azərbaycan irsinin təbliği, mədəni mübadilənin təşviqi və icmalararası əlaqələrin möhkəmləndirilməsi istiqamətində mütəmadi olaraq tədbirlər həyata keçirilir.