Qazaxıstanın Aktau şəhərində yaşayan Azərbaycan icması təmsilçilərinin ölkəmizin Baş Konsulluğunun yeni təyin olunmuş başçısı v.i.e., konsul Elçin Məmmədovla görüşü keçirilib.

Diaspor nümayəndələrini salamlayan konsul Aktaudakı soydaşlarımızın Azərbaycan həqiqətlərinin və zəngin mədəniyyətimizin təbliği istiqamətində gördükləri işlərlə maraqlanıb.

Tədbirdə çıxış edən “Dostluq” İctimai birliyinin sədri Şəmsəddin Hüseynov Azərbaycanın qədim tarixi və zəngin mədəni irsinin təbliği, gənclərin vətənpərlik ruhunda yetişdirilməsi naminə gerçəkləşdirilmiş layihələrdən danışıb.

Tədbir bu il həyata keçirilməsi nəzərdə tutulmuş yeni layihələr barədə fikir mübadiləsinin aparılması, sualların cavablandırılması ilə davam edib.