Almaniyanın paytaxtı Berlində fəaliyyət göstərən Xarı-Bülbül Azərbaycan Mədəniyyət Evinin nəzdindəki həftəsonu məktəbində 31 Mart – Azərbaycanlıların Soyqırımı Gününə həsr olunan dərslər keçirilib.

Dərslərdə faciə qurbanlarının əziz xatirəsi ehtiramla yad edilib, soyqırımın tarixi barədə  ətraflı məlumat verilib.

Həmçinin mart qırğınları haqqında maarifləndirici videoçarx izlənilib və tarixi həqiqətlərin gələcək nəsillərə ötürülməsinin vacibliyi vurğulanıb.

Qeyd edilib ki, Azərbaycan həqiqətlərinin dünyaya çatdırılması və gənc nəslin vətənpərvərlik ruhunda tərbiyəsi hər birimizin həm mənəvi, həm də vətəndaşlıq borcudur.