Türkiyənin Bursa şəhərində Novruz bayramı ilə bağlı tədbir keçirilib.

Bursa Uludağ Universiteti Türk Devletleri ve Akraba Toplulukları Uygulama ve Araştırma Merkezi’nin (TÜDAM) təşkilatçılığı ilə baş tutan tədbirdə universitetin Azərbaycan Mədəniyyət və İncəsənət Birliyinin (BUÜAKST) tələbələri də iştirak edib.

Tələbələrin bayram xonçası başda olmaqla, Novruzu təmsil edən atribut və əşyalardan ibarət stendi iştirakçıların marağına səbəb olub. Proqramın rəsmi hissəsində azərbaycanlı tələbələr Bursa Uludağ Universitetinin rektoru Prof. Firudun Yılmaza Novruz xonçası hədiyyə edib, Azərbaycanda Novruzun necə qeyd edilməsi və təqdim etdikləri xonça haqqında məlumat veriblər.

Tədbir Türk Dünyasının bayraqları ilə yürüş və sonda tonqal üzərindən atlanmaq adəti ilə başa çatıb.