Malayziyanın Kuala Lumpur şəhərində fəaliyyət göstərən "International School at Parkcity" beynəlxalq məktəbində üç gün davam edən festival keçirilib.

Tədbirdə Azərbaycanı bu məktəbdə təhsil alan Əminə və Fərhad Həşimovların anası Roza Ramazanova milli stendlə təmsil edib. Ona soydaşımız Nərminə Cabbarova da yardım göstərib.

Festivalın sonuncu günü paradla yekunlaşıb.

Qeyd etmək istərdik ki, övladları 2023-cü ildən həmin məktəbdə təhsil almağa başlayan zaman ölkəmizin bayrağını oradakı digər bayraqlar sırasında görməyən Roza xanım məktəbin rəhbərliyinə müraciət edərək Azərbaycan bayrağının da asılmasına nail olub.