Qazaxıstanın Şimkənd şəhərində "Azərbaycan Mədəniyyət Mərkəzi" İctimai Birliyi BMT-nin İqlim Dəyişikliyi üzrə Çərçivə Konvensiyasının Tərəflər Konfransının Bakıda keçiriləcək 29-cu sessiyasına – COP29-a həsr olunmuş tədbir təşkil edib.

Tədbirə "Azərbaycan Mədəniyyət Mərkəzi" İctimai Birliyi nəzdində fəaliyyət göstərən həftəsonu məktəbinin şagirdləri və gənclər cəlb edilib.

Məktəbin müəllimləri gənclərə COP29 haqqında məlumat verib, iqlim dəyişikliyi ilə mübarizədə çox vacib və dünyanın əhəmiyyətli tədbirlərindən biri olduğunu diqqətə çatdırıblar. Azərbaycanın bu tədbirin ev sahibi olmasının əhəmiyyətindən bəhs ediblər.

Tədbirin sonunda “Azərbaycan Mədəniyyət Mərkəzi” İctimai Birliyinin nəzdində Gənclər Təşkilatının yaradıldığı diqqətə çatdırılıb.