Omanın Maskat şəhərində Azərbaycan və xarici ölkə bəstəkarlarının əsərlərinin səsləndirildiyi musiqili gecə keçirilib.

Tədbir Ərəb Ölkələrində Yaşayan Azərbaycanlıların Koordinasiya Şurasının Oman üzrə koordinatoru Səidə Xəlilovanın təşkilatçılığı ilə "Royal Conservatory of Music and Art" musiqi məktəbində baş tutub. Bu məktəbin həmtəsisçisi Səidə Xəlilovadır.

Tədbirdə Azərbaycan icmasının üzvləri, yerli ictimaiyyətin və xarici ölkələrin nümayəndələri iştirak ediblər.

Oman, türk, rus, livan, portuqal, fələstin və digər xalqlardan olan tələbələrin, xüsusilə də azyaşlı uşaqların ifaları qonaqlar tərəfindən maraqla qarşılanıb.