Gürcüstanın paytaxtı Tbilisidə keçirilən Gürcüstan Şahmat Federasiyasının 2, 3, 4 və 5-ci dərəcələr üzrə turnirində “Gürcüstan Azərbaycanlılarının İnteqrasiya Mərkəzi”nin şahmat klubunun üzvləri uğurla çıxış edib.

Ümüd Əliyev 4.5 xal, Hüseyn Allahverdiyev 4 xal toplayaraq bir dərəcə yüksəlib və 4-cü dərəcə yarışlarında iştirak haqqı qazanıb.

İmdat Ələkbərov isə ilk dəfə qatıldığı dərəcə yarışında 4 xal toplayaraq 5-ci dərəcənin ikinci mərhələsinə keçib.

Məlumat üçün qeyd edək ki, “Şahmat klubu” GAİM-də 2023-cü ilin may ayından etibarən fəaliyyət göstərir. Yarandığı gündən klubun şagirdləri Gürcüstan Şahmat Federasiyasının təşkil etdiyi dərəcə yarışlarında uğurlu nəticələr əldə edir.