Diasporla İş üzrə Dövlət Komitəsinin əməkdaşları və hazırda Azərbaycanda olan diaspor nümayəndələri görkəmli dövlət xadimi, müasir Azərbaycan dövlətinin memarı və qurucusu, Ümummilli Lider Heydər Əliyevin anadan olmasının 101-ci ildönümü münasibətilə Fəxri Xiyabanda məzarını ziyarət ediblər.

Diasporla İş üzrə Dövlət Komitəsinin sədri Fuad Muradov və komitə əməkdaşları, diaspor nümayəndələri Ulu Öndərin xatirəsini dərin ehtiramla yad edib, abidəsi önünə əklil və gül dəstələri qoyublar.

Sonra görkəmli oftalmoloq alim, akademik Zərifə xanım Əliyevanın məzarı da ziyarət edilib, önünə gül dəstələri düzülüb.