Gürcüstanın Bolnisi bələdiyyəsinin Dəllər kəndindən olan gənc rəssam Turanə Süleymanlının Tbilisidə yerləşən Mirzə Fətəli Axundov adına muzeydə “Uğura ilk addımım” adlı rəsm sərgisi keçirilib.

Sərginin açılışında Azərbaycan Respublikasının Gürcüstandakı Səfirliyinin əməkdaşları, ictimaiyyət nümayəndələri və gənclər iştirak ediblər.

Tədbir zamanı gənc rəssam öz yaradıcılığı haqqında məlumat verib, gəncləri təhsil və inkişaf sahəsində dəstəkləyən Hasanxocalı kəndindəki “Parlaq Gələcək” Mərkəzinin rəhbəri Araz Musayevə öz təşəkkürünü bildirib.