Azərbaycan Diaspor Gəncləri (ADG) şəbəkəsinin üzvləri Xocalı soyqırımının 30 illiyi ilə əlaqədar müxtəlif sosial şəbəkələrdə məlumatlandırıcı aksiya keçiriblər.

Gənclərin təşəbbüsü ilə 18 dildə hazırlanan posterlər #JusticeforKhojaly, #Khojaly30, #KhojalyGenocide həştəqləri ilə sosial şəbəkələrdə paylaşılıb. 5 səhifədən ibarət posterlərin üzərinə Xocalı faciəsi haqqında daha böyük məlumat almaq üçün QR-kod əlavə edilib.

Qeyd edək ki, Xocalı soyqırımının 30 illiyi ilə əlaqədar Diasporla İş üzrə Dövlət Komitəsinin dəstəyi ilə dünyanın 40 ölkəsində 150-yə yaxın tədbir keçirilib.