DATÜB nümayəndə heyəti Şuşanı ziyarət etdi

Azərbaycanda səfərdə olan Dünya Ahıska Türkləri Birliyinin (DATÜB) nümayəndə heyəti Diasporla İş üzrə Dövlət Komitəsinin xəttilə Şuşa şəhərini ziyarət edib.

Təşkilatın sədri Ziyəddin Kassanovun rəhbərlik etdiyi nümayəndə heyəti Azərbaycanın mədəniyyət paytaxtı Şuşa şəhəri ilə yaxından tanış olublar.

Qonaqlar şəhərin xarabaya çebrilmiş məhəllələri ilə yaxından tanış olub, erməni vandalizmini öz gözləri ilə görüblər.

Səfər çərçivəsində Vaqifin məqbərəsi, Aşağı Gövhər ağa məscidi, Şuşa qalası da ziyarət olunub. Ahıska Türklərindən ibarət nümayəndə heyəti Cıdır düzünə də baş çəkib, məsciddə namaz qılınıb, dualar oxunub.