ABŞ-da fəaliyyət göstərən Azərbaycan diaspor təşkilatlarının sırasına yeni bir təşkilat da qoşulub. Illinoys ştatında təsis olunan "İllinoys Azərbaycan Xeyriyyə Cəmiyyəti" ABŞ qanunlarına əsasən rəsmi qeydiyyatdan keçib. Cəmiyyət uzun illərdir Birləşmiş Ştatlarda yaşayan soydaşımız Teymur Mehmandarovun təşəbbüsü ilə yaradılıb. Bu addımla o, İllinoys Ştatında yaşayan həmvətənlərimizi bir cəmiyyəttin ətrafında birləşdirib. COVID-19 pandemiyası dövründə sosial şəbəkədə “Təşəbbüs” qrupu yaradan cəmiyyət rəhbəri Azərbaycan icmasını bir araya gətirən tədbirlər həyata keçirib.

İyulun 4-də isə cəmiyyətin 50-yə yaxın üzvü Des Plainsın “West Park” istirahət məkanında ABŞ-nın müstəqillik gününü təntənə ilə qeyd ediblər.

Xatırladaq ki, yerli qaydalara görə Des Plainsda pandemiya dövründə 50 nəfərədək insanın bir yerə toplaşmasına icazə verilir.