Kanadanın nüfuzlu “Thej.ca” yəhudi media platformasında “Heydər Əliyev: uzaqgörən lider və Azərbaycanın inkişafının memarı” sərlövhəli məqalə dərc olunub.

Məqalədə Heydər Əliyevin ölkəmizə milli quruculuq, iqtisadi islahatlar və dünyada tanınma kimi miras qoyduğu bildirilib. “Heydər Əliyev müstəqil Azərbaycanın təşəkkülündə və inkişafında mühüm rol oynamış görkəmli dövlət xadimi və nüfuzlu siyasətçi kimi tanınır. Əliyev mürəkkəb şəraitdə hakimiyyətə gəldi, o zaman ölkə vətəndaş müharibəsi və dövlətin dağılması ərəfəsində idi. Onun rəhbərliyi ilə Azərbaycan böhrandan çıxdı və özünü beynəlxalq birliyin hörmətli üzvü kimi təsdiq edərək mühüm irəliləyişə nail oldu”.

Qeyd edilib ki, Heydər Əliyevin uzaqgörən yanaşması, sarsılmaz sədaqəti və müdrikliyi Azərbaycanı tərəqqiyə apardı. Məhz onun dövründə Azərbaycan iqtisadiyyatının, siyasi sisteminin və sosial həyatının dərindən modernləşdirilməsi prosesi başlanıb. Müstəqil dövlətin rəhbəri kimi Heydər Əliyevin öz ölkəsinin maraqlarını hər şeydən üstün tutduğu, 1994-cü il sentyabrın 20-də 13 iri neft şirkəti ilə “Əsrin müqaviləsi”nin bağlanmasına nail olduğu, Azərbaycanı dünya neft diplomatiyasının əsas oyunçularından birinə, beynəlxalq təşkilatların və regional geosiyasi proseslərin fəal iştirakçısına çevirdiyi nəzərə çatdırılıb. “Onun terrorizmlə mübarizəyə verdiyi töhfələr, Qarabağ münaqişəsinin həlli ilə bağlı aparılan sülh danışıqları və xarici sərmayələrin cəlb edilməsi Azərbaycanın dünya miqyasında mövqelərini xeyli gücləndirib”.

Qarabağın işğaldan azad edilməsinin və Azərbaycanın ərazi bütövlüyünün bərpasının Heydər Əliyevin ən böyük arzularından biri olduğu, Prezident İlham Əliyevin rəhbərliyi ilə bu arzunun reallığa çevrildiyi, Azərbaycanın dövlət bayrağının Şuşada ucaldığı vurğulanıb.

Məqalənin sonunda bilirilib ki, Heydər Əliyevin adı Azərbaycan tarixində əbədi qalacaq.

Məqaləni ətraflı şəkildə aşağıdakı linkdən oxumaq mümkündür:

https://www.thej.ca/2023/07/19/heydar-aliyev-a-visionary-leader-and-architect-of-azerbaijans-development/