Azərbaycanın və Özbəkistanın Xalq artisti, Dövlət mükafatı laureatı, Əlişir Nəvai adına Özbəkistan Dövlət Opera və Balet Teatrının baş rejissoru Firudin Səfərov ömrünün 90-cı ilində dünyasını dəyişib.

Professor Firudin Səfərov ictimai və musiqi fəaliyyətindəki xidmətlərinə görə Özbəkistanın “Görkəmli xidmətlərə görə” ordeni və Azərbaycanın “Tərəqqi” medalı ilə təltif olunub. Uzun illər bu iki xalqın dostluğu, mədəniyyətlərinin birləşdirməsi üçün xidmətlər göstərib.

Diasporla İş üzrə Dövlət Komitəsi Firudin Səfərovun vəfatından kədərlənir, mərhumun ailə üzvlərinə və doğmalarına dərin hüznlə başsağlığı verir.