Kanadanın Monreal şəhərində Zəfər Günü münasibətilə tədbir keçirilib

Kanadanın Monreal şəhərində 8 Noyabr - Zəfər Günü münasibətilə tədbir keçirilib.
Monrealdakı Türk icma mərkəzində baş tutan tədbir Azərbaycan və Türkiyənin Dövlət himnlərinin səslənməsi ilə başlanıb. Sonra Vətən muharibəsinin şəhidləri bir dəqiqəlik sükutla yad edilib, Türk Camisinin dini rəhbəri Adəm Atalay şəhidlərimizin ruhuna Quranı-Kərim oxuyub.
Kvebek Azərbaycanlıları Assosiasiyasının idarə heyətinin üzvləri Məsud Əliyev, Kəmalə Əliyeva, Tünzalə Bağırova və Əli Şərəf Azərbaycan xalqının qələbəsinin tarixi əhəmiyyətindən danışıblar.