Azərbaycan diasporu Moskvadakı aztəminatlı ailələrə yardım göstərib

08.04.2020

Covid-19 pandemiyasının yaratdığı mövcud şəraitdə Rusiyada fəaliyyət göstərən diaspor təşkilatlarımız müvəqqəti sıxıntı ilə üzləşmiş aztəminatlı ailələrə dəstək göstərib.

Bununla əlaqədar olaraq Moskvanın Azərbaycan İcması (MAİ) humanitar aksiyaya başlayıb. Rusiya paytaxtında yaşayan soydaşlarımızın fədakarlığı sayəsində Moskvanın və Moskva vilayətinin 100-dən çox sakini ərzaq və tibbi ləvazimatlarla təmin olunub. Sakinlərə hüquqi və maddi yardım göstərilib.

MAİ-nin sədri Şamil Tağıyev xeyriyyə təşəbbüsünü dəstəkləyən bütün həmvətənlərimizə təşəkkürünü bildirib və ehtiyac üzündən sözügedən təşkilata müraciət edən hər bir kəsi dəstəkləməyə çağırıb. Qeyd edib ki, humanitar aksiya karantin müddəti başa çatanadək davam edəcək.