EN
RU

Seymur Nəsirov Misirin BC televiziya kanalına müsahibə verib

“Vətənpərvər” - Azərbaycanın Misirdə Diaspor Təşkilatları Birliyinin sədri S.Nəsirov Misirlə Azərbaycan arasında tarixi, mədəni və siyasi əlaqələrdən danışarkən, Koroğlu dastanında keçən Misri qılıncdan, Azərbaycanda çoxlu sayda ərəb mənşəli kəndlərin olmasından, hətta Misir adında azərbaycanlıların olmasından da bəhs edib və bu məlumat qarşı tərəfin marağına səbəb olub. Bu gün Misirlə Azərbaycan arasında siyasi əlaqələrin yüksək səviyyədə olduğunu qeyd edən S.Nəsirov daha sonra Azərbaycandakı multikultural dəyərlərdən və tolerantlıqdan söhbət açıb.
S.Nəsirov Azərbaycanın turizm potensialından geniş söhbət açaraq son illərdə çoxlu sayda ərəbin ölkəmizə səyahət etdiyini də diqqətə çatdırıb.