Avstraliyadakı icmamız Türkiyənin Kanberradakı səfirliyinə başsağlığı məktubu ünvanlayıb

8 fevral, 2023

Avstraliyadakı icmamız Türkiyənin Kanberradakı səfirliyinə başsağlığı məktubu ünvanlayıb

Avstraliyada fəaliyyət göstərən Azərbaycan icması Türkiyənin cənub-şərqində baş vermiş dəhşətli zəlzələ ilə bağlı qardaş ölkənin Kanberradakı Səfirliyinə başsağlığı verib.

Avstraliya Azərbaycan Assosiasiyasının rəhbəri, Avstraliya və Okeaniya ölkələri üzrə Azərbaycanlıların Koordinasiya Şurasının əlaqələndiricisi Mikayıl Oytanın Türkiyənin Avstraliyadakı səfiri Ufuk Gezerə ünvanladığı məktubda faciənin Azərbaycan icmasını dərindən sarsıtdığı və kədərləndirdiyi nəzərə çatdırılıb.

 “Biz, Azərbaycan turkləri, bu qorxunc faciəni öz faciəmiz kimi qəbul edərək, Türkiyə dövlətinə və türk millətinə dərin hüznlə başsağlığı veririk. Təəssüf ki, Güney Azərbaycanın Xoy şəhərindəki yarası sağalmadan Anadolumuzda ikinci təbii fəlakət baş verdi. Qış mövsümündə bir həftə ərzində belə fəlakətlərin baş verməsi çox üzücüdür. Bu acı fəlakətdə həyatını itirənlərə Allahdan rəhmət, yaralılarımıza şəfa diləyirik. Bütün gücümüzlə və imkanlarımızla Türkiyəmizin yanındayıq. Başın sağ olsun, Türkiyə!”, - deyə bildirilib.

dostların arasında bunu ilk tövsiyyə edən sən ol

Digər xəbərlər